Mit Fassungslosigkeit, grosser Betroffenheit und tiefer Trauer nehmen wir Abschied von unserem langjährigen musikalischen Leiter.

Bim Lied “Schneeluft” wo mier hei dörfe am Jodlerfest Appenzell vorträge, het är jedem vo üs es Puzzleteili mitgno. Zäme hei mier voräwäg de das Bild vo de Schwändelifluh zämegsetzt. Aui Teili hei perfekt inenand passt. Genau so sig’s ou bim Vortrag: Es bruchi jede Einzelni vo üs. Jede trägi mit sinere Stimm e Töu zum Gsamtvortrag bi.

De Thomas het’s verstande, üs so z’näh und üsi Konzentration und Stimmig so z’bündle, dass mier gmeinsam das hei chönne abrüefe, wo mier zäme probet hei.

Im Thomas sis Puzzleteili fäut i Zuekunft nid nume bi üs im Jodlerklub. Är fäut ou i de Trachtegruppe Flühli, im Orchesterverein, uf de Jagd und i aune andere Ämtli, wo är sich mit so vöu Härzbluet igsetzt het.

Am meischte aber fäut är bi sinere Familie. De Truurfamilie Zihlmann wünsche mier vo Härze vöu Chraft i dere schwäre Zit.

Thomas – danke für aues, was du für üs als musikalische Leiter, aber vor allem ou als Mönsch gmacht hesch.
B’hüet di Gott!

----

Aufnahme vom Naturjodel "Härzbluet", komponiert 2017, Thomas Zihlmann

Ein wunderbares Fest durften wir in Menznau erleben, ein grosses Dankeschön allen die das in dieser Form möglich gemacht haben.

Vielen Dank allen die dieses wunderbare Jodlerkonzert 2024 möglich gemacht haben!